გორის საკონსერვო ქარხანა კულა დაგვიკავშირდით | Geo | Eng | Rus

კომპანიის ისტორია

„გორის საკონსერვო ქარხანა კულა“ 2009 წელს ჩამოყალიბდა. კომპანია თავდაპირველად ორ ბრენდს მოიცავდა – ხილის და ბოსტნეულის ეკოლოგიურად სუფთა წვენებს ბრენდ  „Kula“-ს სახელით აწარმოებდა, ხოლო საბავშვო ნატურალურ წვენებს მეორე ბრენდის - „Kula baby“ სახელწოდებით.

 

კომპანიამ პირველივე წელს მოიპოვა ეკოლოგიურად სუფთა პროდუქტების მწარმოებლის სახელი და გახდა ლიდერი საქართველოში ნატურალური წვენების წარმოებაში.

 

2010 წლიდან კომპანიამ დაიწყო მურაბების, ჯემების, ტყემლების, საწებლების, მარინადების, ტომატ–პასტის, ცივი სადილების, ნარშრაბის და სხვა სოფლის მეურნეობის პროდუქციის წარმოება. 2010 წლის ბოლოსთვის, კომპანია აწარმოებდა 150–ზე მეტი დასახელების ეკოლოგიურად სუფთა პროდუქციას.

 

„გორის საკონსერვო ქარხანა კულა“ მდებარეობს საქართველოში, ქ. გორში, შიდა ქართლის რეგიონში, რომელიც მძლავრ აგრარულ სექტორად ითვლება სოფლის მეურნეობის პროდუქტების, კერძოდ ხილის, ბოსტნეულის და სხვა კულტურების წარმოებაში. რეგიონში ხელსაყრელი ეკოლოგიური და კლიმატური პირობებია. სამეურნეო მიწების მორწყვა ხორციელდება მთის მდინარეების წყლით.

 

გენეტიკურად სახეშეუცვლელ ნედლეულს ახასიათებს განსაკუთრებული საგემოვნო თვისებები და არომატი, რასაც განაპირობებს მათში ჰარმონიულად შერწყმული მრავალრიცხოვანი ვიტამინები და მიკროელემენტები, რომელთა შენარჩუნებასაც უზრუნველყოფს „გორის საკონსერვო ქარხანა კულა“ ტრადიციული ხერხებითა და სრულყოფილი თანამედროვე ტექნოლოგიებით.

 

„გორის საკონსერვო ქარხნის“ პროდუქცია წარმოადგენს ხარისხისა და გემოვნების ეტალონს ჭეშმარიტი გურმანებისთვის და არ აყენებს ეჭვქვეშ პროდუქტის ნატურალურობას.

 

ამ დროისათვის კომპანია აწარმოებს 200-ზე მეტი დასახელების პროდუქციას, საკუთარი დისტრიბუციის საშუალებით კომპანიის პროდუქცია შესულია საქართველოს თითქმის ყველა სავაჭრო ქსელში. "გორის საკონსერვო ქარხნის" პროდუქცია წარმოდგენილია ყველა საფასო სეგმენტში და ხელმისაწვდომია ნებისმიერი შემოსავლის მქონე მომხმარებლისათვის. კომპანიამ დაიწყო საფირმო მაღაზიების გახსნა ქ. თბილისში და საქართველოს სხვა ქალაქებში.

 

გარდა ამისა პროდუქცია გადის ექპორტზე მსოფლიოს 20-ზე მეტ ქვეყანაში, მათ შორისაა: აშშ, კანადა, რუსეთი, უკრაინა, ბელორუსია, ლიტვა, ლატვია, ესტონეთი, გერმანია, პოლონეთი, ჩეხეთი, საფრანგეთი, დიდი ბრიტანეთი, საბერძნეთი, კვიპროსი, სომხეთი, აზერბაიჯანი, ისრაელი, ყაზახეთი, ტაჯიკეთი, თურქმენეთი. 

„გორის საკონსერვო ქარხნის“ პორთველში შესულია შემდეგი ბრენდები:

  • "Kula"
  • "Kula baby"
  • "Premium segment"
  • "Дедушка Датико" (ქაშერული პროდუქტი)
  • "bio kula" (ბიო პროდუქტი)
  • "Kula diabetic" (დიაბეტური პროდუქტი)
  • "Моя грузинская бабушка"
  • “Kula kosher”


ადგილობრივი მოსახლეობისთვის ამ ეტაპზე, შექმნილია 200-ზე მეტი სამუშაო ადგილი. ამავდროულად, ფერმერებს საკუთარი პროდუქციის რეალიზაციის საშუალებაც ეძლევათ.

პროდუქცია:
ცხელი ხაზი:
+995 370 272000
ავტორიზაცია | რეგისტრაცია
მომხმარებლის სახელი:
პაროლი:
დამიმახსოვრე