გორის საკონსერვო ქარხანა კულა დაგვიკავშირდით | Geo | Eng | Rus

რა უნდა იყოს პირველი დამატებითი საკვები ჩვილი ბავშვებისთვის - ფაფა თუ ბოსტნეულის პიურე?

დაახლოებით 6 თვიდან ჩვილს ზრდა-განვითარებისთვის აღარ ჰყოფნის დედის რძითა თუ ხელოვნური საკვები ნარევებით მიღებული ვიტამინები, მიკროელემენტები, მინერალური ნივთიერებები. მზარდი ორგანიზმი განიცდის C, D, A, B ჯგუფის ვიტამინების, ფოლიუმის მჟავას, რკინის, იოდის, თუთიის, სპილენძის, სელენის, კალციუმის, ფოსფორის, კალიუმისა და სხვა მიკროელემენტების ნაკლებობას.

 

ესე იმას ნიშნავს, რომ დადგა დამატებითი საკვების მიღების დრო. დამატებითი საკვები უფრო სქელი უნდა იყოს, ვიდრე დედის რძე თუ ხელოვნური ნარევი. ეს კუჭ-ნაწლავის ტრაქტის ერთგვარ ვარჯიშს წარმოადგენს - ნაწლავების მოტორული ფუნქციის სტიმულაციის და საღეჭი აპარატის სწორი ფორმირებისთვის აუცილებელი პირობაა.

 

დაიწყეთ მცირე ულუფებით - ჯერ ნახევარი ან ერთი ჩაის კოვზი გაასინჯეთ. თუ მოეწონა, მიეცით კუთვნილი ულუფის ნახევარი. 7 დღის შემდეგ შეიძლება სრული ულუფის მიცემა. 7-8 თვიდან ბავშვს უკვე 80 მლ ეკუთვნის, 9-12 თვიდან - 120 მლ. დიეტოლოგიის ოქროს წესი: ერთ დღეს ჩვილს მხოლოდ ერთი ახალი პროდუქტი უნდა გაასინჯოთ, ისიც - მხოლოდ ერთ კვებაზე. თავდაპირველად პიურე მოამზადეთ რომელიმე ერთი სახეობის ბოსტნეულისგან, რათა პატარა შეეჩვიოს ახალ პროდუქტს. მერე და მერე შეგიძლიათ რამდენიმე ბოსტნეულის კომბინაცია შესთავაზოთ. დამატებითი საკვები უნდა მისცეთ დღის პირველ ნახევარში, მეორე კვებაზე, ხელოვნური ნარევის ან დედის რძის მიცემამდე. თავი შეიკავეთ დამატებითი კვების დაწყებისგან ავადმყოფობისას და გამოჯანმრთელებიდან ერთი კვირის განმავლობაში, ვაქცინაციისა და სხვა სამედიცინო პროცედურების ჩატარების პარალელურად. დამატებითი კვების დაწყებიდან 7-10 დღის განმავლობაში უნდა შევაფასოთ ჩვილის გუნება-განწყობა, კანი, განავალი. თუ ბავშვის მდგომარეობა არ მოგვეწონა, დამატებითი საკვების მიცემისგან თავი უნდა შევიკავოთ და კონსულტაცია პირად პედიატრს ვთხოვოთ. სასურველია, ვაწარმოოთ დღიური, სადაც აღვნიშნავთ, რომელ პროდუქტზე ჰქონდა პატარას ალერგიული რეაქცია. დამატებითი საკვები უნდა იყოს ერთგვაროვანი (კარგი იქნება, თუ მის ასათქვეფად გამოიყენებთ ბლენდერს), პირველ ხანებში - ნახევრად თხიერი, თხელი ფაფის მსგავსი, აუცილებლად თბილი და მისცეთ კოვზით. გარდა ამისა, სასურველია, პირველი დამატებითი საკვები იმ ბოსტნეულისგან იყოს მომზადებული, რომელიც ჩვენს გეოგრაფიულ არეალში მოჰყავთ. ერთადერთი ქართული კომპანია, რომელიც ხილფაფების წარმოებისთვის საქართველოს ტერიტორიაზე, შიდა ქართლის ზონაში მოყვანილ ხილს იყენებს, გორის ბავშვთა კვების საკონსერვო ქარხანაა(KULA). კვების რაციონს ახალი პროდუქტი მას შემდეგ უნდა დაამატოთ, რაც ბავშვი კარგად შეეგუება პირველს - პირველის გაცნობიდან დაახლოებით 7-10 დღის შემდეგ.

პროდუქცია:
ცხელი ხაზი:
+995 370 272000
ავტორიზაცია | რეგისტრაცია
მომხმარებლის სახელი:
პაროლი:
დამიმახსოვრე