გორის საკონსერვო ქარხანა კულა დაგვიკავშირდით | Geo | Eng | Rus

ჭარბი წონა მოზარდებში

ჭარბი წონის პირობებში მოზარდმა უნდა შეამციროს ადვილად ასათვისებელი ნახშირწყლების მიღება. ეს არის შოკოლადი, ნამცხვარი, შაქრიანი გამაგრილებელი სასმელები და შედარებით მეტი რაოდენობით მიიღოს ხილი და ბოსტნეული, რომელიც ყოველდღიური რაციონის აუცილებელი კომპონენტია. მასში ბევრია ვიტამინი და ელექტროლიტი, რომელიც ადამიანებს ძალიან გვჭირდება. თუ მოზარდი ყოველ ჭამაზე ნახევარ თონის პურს ჭამს, მას ვურჩევთ, მიირთვას 300გრ შავი ან ჭვავის პური, რაც შედარებით ნაკლებ პრობლემას შეუქმნის. ისეთი დიეტები, როგორიცაა “სრული შიმშილობა”, გამოხდილ წყალზე კვირეების განმავლობაში ყოფნა, ან მხოლოდ ერთი სახის საკვების მიღება, მოზარდის ასაკში ეს ყოვლად დაუშვებელია, ამით მან შეიძლება გაცილებით მეტი ზიანი მიაყენოს ორგანიზმს.

მოზარდების შემთხვევაში ასევე დაუშვებელია გასახდომი წამლების მიღება, რადგან ის პირდაპირ მოქმედებს ცენტრალურ ნერვულ სისტემაზე და შეიძლება ძალიან დიდ უსიამოვნებამდე მიიყვანოს. და თუ მისი მიღება ექიმის მეთვალყურეობის ქვეშ ხდება, აქაც დიდი სიფრთხილეა საჭირო.

წონის დაკლება გაცილებით ადვილია, ვიდრე მისი შენარჩუნება, ამიტომ დაკლების შემდეგ ადამიანმა უნდა იცოდეს, რა უნარჩუნებს მას წონას და პირიქით, რა მოქმედებს უარყოფითად. გარკვეული შეზღუდვები, ცხადია, მოქმედებს შედეგზე, მაგრამ ეს არ უნდა იყოს ისეთი შეზღუდვა, რომელიც ადამიანს იმაზე უარეს დისკომფორტს მოუტანს და უარეს დაავადებებს გამოიწვევს, რასაც ჭარბი წონა უქმნიდა.


საკვების გადამუშავებას ხელს უწყობს ატმის და ვაშლის წვენები. ჭარბი წონისადმი მიდრეკილი მოზარდებისთვის არ არის რეკომენდირებული ბროწეულის წვენის მიღება, რადგან მადის აღმძვრელ საშუალებას წარმოადგენს. დიეტურ პროდუქტია ტომატის წვენი, რომელიც აუმჯობესებს ნივთიერებათა ცვლის პროცესებს ორგანიზმში. თუ არ შეგიძლიათ პომიდვრის გამოწურვა სახლის პირობებში, შეგიძლიათ მიირთვათ “Kula”-ს ტომატის წვენი, რომელიც შაქარს არ შეიცავს და ეკოლოგიურად სუფთა პროდუქტისგან მზადდება. ტომატის წვენი შეიცავს დიდი რაოდენობით კალიუმს, რომელიც სასარგებლოა გულისთვის და ხელს უწყობს ორგანიზმიდან ჭარბი სითხის გამოდევნას.

პროდუქცია:
ცხელი ხაზი:
+995 370 272000
ავტორიზაცია | რეგისტრაცია
მომხმარებლის სახელი:
პაროლი:
დამიმახსოვრე