გორის საკონსერვო ქარხანა კულა დაგვიკავშირდით | Geo | Eng | Rus

კვებითი რეკომენდაციები შაქრიანი დიაბეტის დროს

 

დიეტა შაქრიანი დიაბეტის დროს, მკურნალობის მნიშვნელოვანი შემადგენელი ნაწილია. განსაკუთრებით დიდი მნიშვნელობა ენიჭება მას მეორე ტიპის შაქრიანი დიაბეტის მკურნალობაში, ამიტომ აუცილებელია პაციენტის მჭიდრო თანამშრომლობა ექიმთან. პაციენტები სხვადასხვაგვარ მიდრეკილებას ამჟღავნებენ სიმპტომატური ჰიპერგლიკემიის მიმართ. მნიშვნელოვანია ვიცოდეთ, რომ დღესდღეობით არ არსებობს უნივერსალური “დიაბეტური” დიეტა ან კვების რეჟიმი და სამედიცინო კვებითი თერაპია უნდა შეირჩეს ინდივიდუალურად.

 

დიეტური რეკომენდაციები, რომლებიც საერთოა დიაბეტის ორივე ტიპისათვის:

 

• ნახშირწყლები უნდა შეადგენდეს საერთო კალორაჟის დაახლოებით 50-60%-ს, არარაფინირებული ნახშირწყლებისა და ბოჭკოვანი საკვების მიღება სასურველია იმდენჯერ, რამდენჯერაც ეს შესაძლებელია;

• ცილა უნდა შეადგენდეს დღიური კალორაჟის დაახლოებით 10-20%-ს (ბავშვებში მისი რაოდენობა საკმარისი უნდა იყოს ოპტიმალური ზრდა-განვითარებისათვის);

 

• ტოტალური ცხიმი უნდა მოიცავდეს საერთო კალორაჟის 30%-ზე ნაკლებს, მათ შორის, საჭიროა ნაჯერი ცხიმების შემცირება <10%, ხოლო ქოლესტერინისა <300მგ/დღეში. ნაჯერი ცხიმები უნდა ჩანაცვლდეს უჯერით;

 

• მარილის მიღების შეზღუდვა საჭიროა იმ შემთხვევაში, თუ მისი დღიური რაოდენობა 3გ-ს აჭარბებს, მაგრამ უნდა გვახსოვდეს, რომ ნატრიუმის უკიდურესად შეზღუდვამ შეიძლება ელექტროლიტური დისბალანსი გამოიწვიოს;

 

• პაციენტებს შეუძლიათ ხელოვნური დამატკბობლების ანუ შაქრის შემცვლელების გამოყენება, რომლებიც საკვებს აძლევენ ტკბილ გემოს სისხლში შაქრის შემცველობის მომატების გარეშე, მაგრამ ეს ეხება მხოლოდ ისეთ დაბალკალორიულ შემცვლელებს, როგორიცაა საქარინი, ასპარტამი, ციკლამატი, აცესულფამი K. მათი უვნებელი დღიური დოზა საკმაოდ მაღალია და დაახლოებით 20-30 აბს უდრის. ამ დაბალკალორიული შაქრის შემცვლელების გარდა გაყიდვაშია აგრეთვე შაქრის ისეთი ანალოგები, როგორიცაა ქსილიტი, სორბიტი და ფრუქტოზა. მართალია, მოხმარებისას ისინი არ იწვევენ სისხლში შაქრის მნიშვნელოვან მატებას, მაგრამ მაღალკალორიულობის გამო არ შეიძლება რეკომენდებული იქნას ჭარბი წონის მქონე ავადმყოფთათვის (მაგ. 1გ ფრუქტოზა იძლევა დაახლ. 4კკალ-ს). ამავე კატეგორიის ავადმყოფებმა არ უნდა გამოიყენონ საკვებად მზა «დიაბეტური» პროდუქტები, რომლებიც ამ შაქრის შემცვლელების გამოყენებითაა დამზადებული(დიაბეტური შოკოლადი, ვაფლი, ნამცხვარი, ჯემი) და ასევე შეიცავენ ჩვეულებრივ ნახშირწყლებსაც (ფქვილი და სხვ.).

პროდუქცია:
ცხელი ხაზი:
+995 370 272000
ავტორიზაცია | რეგისტრაცია
მომხმარებლის სახელი:
პაროლი:
დამიმახსოვრე