კომპანია „კულამ“ მონაწილეობა მიიღო საერთაშორისო გამოფენა „მწვანე კვირეულში“, რომელიც 16-18 იანვარს გერმანიაში, ბერლინში გაიმართა. კომპანიის პროდუქცია ქართულ საგამოფენო პავილიონში იქნა წარმოდგენილი და დამთვალიერებლის მხრიდან დიდი მოწონება დაიმსახურა. გამოფენას ესწრებოდა საქართველოს სოფლის მეურნეობის მინისტრი შალვა ფიფია.

  „მწვანე კვირეული“ („Grüne Woche“) 1926 წლიდან იმართება და სოფლის მეურნეობის მიმართულებით მსოფლიოში ერთ-ერთი უმსხვილეს გამოფენად ითვლება. მისი მნიშვნელობიდან გამომდინარე, გამოფენაში მონაწილეთა რიცხვი ყოველწლიურად იზრდება. 2014 წლის „მწვანე კვირეულის“ ძირითადი თემა გახლდათ „ სოფლის მეურნეობის გაძლიერება: სტანდარტების დაცვით უზრუნველყოფილი სურსათი და კვება“.