გორის საკონსერვო ქარხანა კულა დაგვიკავშირდით | Geo | Eng | Rus

"ოქროს ბრენდი 2013"

  „ოქროს ბრენდი 2013“ წლის დაჯილდოვებაზე კომპანია „კულა“ ნომინაციაში - „ქართული წვენი_რჩეული ბრენდი“ - გამარჯვებულად დასახელდა.

 

  რჩეული ბრენდების დაჯილდოვების რიგით მეცხრე ცერემონია 29 აპრილს სასტუმრო „შერატონ მეტეხი პალასში“ გაიმართა.

 

  კომპანია „კულა“ იმ კომპანიებს შორის მოხვდა, რომლებმაც ბრენდულ საქმიანობაში გასულ წელს განსაკუთრებულ წარმატებას მიაღწიეს. 2013 წელს კომპანიამ პროდუქციის ასორტიმენტი კიდევ უფრო მრავალფეროვანი და საინტერესო გახადა. ნატურალური წვენები მუყაოს შეფუთვაში, საწებლები ე. წ „დოი პაკ“ შეფუთვაში, ბრენდირებული ტარა და სხვა მრავალი სიახლე კომპანიამ მომხმარებლის მოთხოვნების შესაბამისად განახორციელა. დაჯილდოვების ორგანიზატორთა კვლევის მთავარი ფოკუსი, კომპანიათა მიერ ბრენდის პოპულარიზაციისთვის მიღებულ კრეატიულ გადაწყვეტილებებზე იყო მიმართული.

 

  2013 წლის ოქროს ბრენდების შერჩევაში მონაწილეობდნენ უმაღლესი სასწავლებლების პროფესორ-მასწავლებლები და ხელმძღვანელი პირები, ბიზნესის ადმინისტრირების სპეციალისტები, კონსალტინგური ჯგუფები, სახელმწიფო და არასამთავრობო ბიზნეს სექტორის წარმომადგენლები და ექსპერტები ეკონომიკურ საკითხებში.

 

  „ოქროს ბრენდის“ დაჯილდოვების ცერემონია 2006 წლიდან ტარდება. ის ყველაზე პრესტიჟულ და გავლენიან ბიზნეს დაჯილდოვებად არის აღიარებული. მედიაში ხშირად ის ბიზნესის ოსკარად მოიხსენიება. ოქროს ბრენდი რეგისტრირებული სავაჭრო ნიშანია, რომელიც საქართველოში, კომპანია Global Idea-ს და გაზეთ FINANCIAL-ს ეკუთვნის.

პროდუქცია:
ცხელი ხაზი:
+995 370 272000
ავტორიზაცია | რეგისტრაცია
მომხმარებლის სახელი:
პაროლი:
დამიმახსოვრე