გორის საკონსერვო ქარხანა კულა დაგვიკავშირდით | Geo | Eng | Rus

ბავშვთა დაცვის საერთაშორისო დღე გორში

ბავშვთა დაცვის საერთაშორისო დღესთან დაკავშირებით, ქალაქ გორში, სტალინის სახლ-მუზეუმის მიმდებარე სკვერში რიგი ღონისძიებები გაიმართა.

 

ბავშვთა დღე სპორტული ღონისძიებებით გაიხსნა. გორის საჯარო სკოლების მოსწავლეების მონაწილეობით გარბენი მოეწყო. ვაჟებს შორის პირველი ადგილი გიორგი დავლიაშვილმა დაიკავა, ხოლო გოგონებს შორის მარიამ სერაფიანმა. ორივე მათგანს კომპანია „კულასაგან“ სასაჩუქრე კალათა გადაეცათ.

 

კომპანია „კულასაგან“ დასაჩუქრდნენ ასევე კულინარიული კონკურსის მონაწილეები. კონკურსში გორის მუნიციპალიტეტის საჯარო სკოლები და გორის „ინვალიდთა კლუბის" ბენეფიციარები მონაწილეობდნენ. რვა გუნდისგან შემდგარი კონკურსანტები ერთმანეთს სხვადასხვა ინგრედიენტებით, კრეატიული და გემრიელი სალათების მომზადებაში ეჯიბრებოდნენ. კულინარიული კონკურსის თითოეულმა მონაწილემ საჩუქრად კომპანია "კულას" ეკოლოგიურად სუფთა წვენები მიიღო. კონკურსის მიზანი იყო - ახალგაზრდებში ჯანსაღი ცხოვრების წესის დანერგვა და ჯანსაღი კვების პოპულარიზაცია. გამარჯვებული სოფელ ვარიანის საჯარო სკოლა გახდა.

 

ღონისძიება ბავშვთა და ახალგაზრდობის ეროვნული ცენტრის ორგანიზებით მოეწყო.

პროდუქცია:
ცხელი ხაზი:
+995 370 272000
ავტორიზაცია | რეგისტრაცია
მომხმარებლის სახელი:
პაროლი:
დამიმახსოვრე