ჩვენს შესახებ

N1 ქარხანა 1919 წლიდან

 "გორის საკონსერვო ქარხანა კულა” 2009 წელს ჩამოყალიბდა. კომპანიამ პირველივე წელს მოიპოვა ეკოლოგიურად სუფთა პროდუქტების მწარმოებლის სახელი და გახდა ლიდერი საქართველოში ნატურალური წვენების წარმოებაში.

2010 წლიდან კომპანია აქტიურად შეუდგა ხილისა და ბოსტნეულის კონსერვების წარმოებას და დაიწყო მურაბების, ჯემების, ტყემლების, საწებლების, მარინადების, ტომატ–პასტის, ცივი სადილების, ნარშრაფის და სხვა სოფლის მეურნეობის პროდუქციის წარმოება. 2010 წლის ბოლოსთვის, კომპანია აწარმოებდა 150–ზე მეტი დასახელების ეკოლოგიურად სუფთა პროდუქციას. ამ დროისათვის კომპანია აწარმოებს 250 დასახელების საკონსერვო პროდუქციას.

საწარმო მდებარეობს საქართველოში, ქ. გორში, შიდა ქართლის რეგიონში, რომელიც მძლავრ აგრარულ სექტორად ითვლება სოფლის მეურნეობის პროდუქტების, კერძოდ ხილის, ბოსტნეულის და სხვა კულტურების წარმოებაში. რეგიონში ხელსაყრელი ეკოლოგიური და კლიმატური პირობებია. სამეურნეო მიწების მორწყვა ხორციელდებს მთის მდინარეების წყლით.

გენეტიკურად სახეშეუცვლელ ნედლეულს ახასიათებს განსაკუთრებული საგემოვნო თვისებები და არომატი, რასაც განაპირობებს მათში ჰარმონიულად შერწყმული მრავალრიცხოვანი ვიტამინები და მიკროელემენტები, რომელთა შენარჩუნებასაც უზრუნველყოფს „გორის ბავშვთა კვების საკონსერვო ქარხანა“ ტრადიციული ხერხებითა და სრულყოფილი თანამედროვე ტექნოლოგიებით.

კომპანია "კულას" პროდუქცია წარმოადგენს ხარისხისა და გემოვნების ეტალონს ჭეშმარიტი გურმანებისთვის და არ აყენებს ეჭვქვეშ პროდუქტის ნატურალურობას.

საკუთარი დისტრიბუციის საშუალებით კომპანიის პროდუქცია შესულია საქართველოს თითქმის ყველა სავაჭრო ქსელში.  პროდუქცია წარმოდგენილია ყველა საფასო სეგმენტში და ხელმისაწვდომია ნებისმიერი შემოსავლის მქონე მომხმარებლისათვის. 

ადგილობრივი მოსახლეობისთვის ამ ეტაპზე, შექმნილია 200-ზე მეტი სამუშაო ადგილი. ამავდროულად,  ფერმერებს საკუთარი პროდუქციის რეალიზაციის საშუალებაც ეძლევათ.

kula

მიზანი

კომპანია „კულას“ მიზანია  ბუნებისა  და  ტექნოლოგიების  კომბინაცია. ამიტომ  ჩვენ  უშუალოდ  ვიღებთ მონაწილეობას წვენებისა  და  საკონსერვო  პროდუქციის  წარმოების  ყველა  ეტაპზე,  დაწყებული  ხილისა და ბოსტნეულის  მოყვანით,  მისი გადამუშავებით,  ჩამოსხმით  და დამთავრებული მისი დისტრიბუციით.

kula

ექსპორტი

ჩვენი პროდუქცია წარმოდგენილია ოთხ კონტინენტზე, მსოფლიოს 26 ქვეყანაში, როგორებიცაა აშშ, კანადა, რუსეთი, ავსტრალია, ჩინეთი, არაბეთის გაერთიანებული საემიროები, კატარი, უკრაინა, გერმანია, ავსტრია, ჰოლანდია, საფრანგეთი, უნგრეთი, ბელგია, ლუქსემბურგი, საბერძნეთი, იტალია, დიდი ბრიტანეთი, ესპანეთი, ლიტვა, ლატვია, ესტონეთი, ბელორუსია, ისრაელი, ყაზახეთი, თურქმენეთი.

kula

ხარისხის კონტროლი

კომპანიას დანერგილი აქვს ხარისხის მართვის სისტემის საერთაშორისო სტანდარტი ISO 9001.